დრო მაინც გაფანტავს უაზრო არაფერს,
დაჭრილი ფრთებისგან მარაო გამოვა
და შენი გულისგან მიღმა დარაბებს,
ზამთარში გარიჟრაჟს მზე მაინც  ამოვა.
მოიტანს სიზმრისგან სახეებს მხიარულს,
როიალს ეხება თითები ნაზი და
არასდროს დავიშლით ცალ-ცალკე სიარულს,
რთულია გამოსვლა აკორდის ფაზიდან.
შემოვრჩი მინორის უაზრო ხვეულებს,
მიყვარდა მაჟორთან დაცინვით შეხება,
ლექსები გაავსებს ბრაზიან რვეულებს,
დროც მანძილს პრობლემის გარეშე ეხება.
სიფხიზლე გაფანტავს უაზრო არაფერს,
დაჭრილი ფრთებისგან მარაო გამოვა
და შენი გულისგან მიღმა დარაბებს,
ზამთარში გარიჟრაჟს მზე მაინც  ამოვა.