გულს ჩამესმის კვლავ შენი ხმა,
საქართველო გიცემს მკერდში,
ჩემი რწმენის სანთელი ხარ, -
დანთებული ალავერდში.

შუბლზე გცხია მირონი და
ღმერთმა მოგცეს წყალობანი,
მსურს გესმოდეს ილორიდან
სიყვარულის გალობანი.

მე სანამდე ფეხზე ვდგევარ,
გაფასებ და გაფასებდი,
შენი თანამედროვე ვარ,
გულში მტკივა აფხაზეთიც.

ისევ მესმის ნაცნობი ხმა,
საქართველო გვიცემს მკერდში,
ჩემი რწმენის სანთელი ხარ, -
დანთებული ალავერდში.