თავი დაიხრჩე!
შენი კივილი ყურებში მიგუგუნებს და ვერ ვხვდები რას ვაკეთებ .
დინებას მივყვები ,დაე ტალღებმა წამიღონ დავიწყებული ქალღმერთების ტაძარში ,იქ სადაც ყველაფერი უკვდავების ტრაგედიითაა გაჟღენთილი .
თავზე გადავუფრენ მილიონ ჩაძირულ ქალაქს ,სადაც ხალხი ოდესღაც ბედნიერი იყო .
დაე დაგვხოცონ!
მკვდარი ბავშვების ცრემლებით ვიტიროთ ,ვიტიროთ იქამდე სანამ გაფრენას შევძლებთ .
მე წავალ .
აბგაში გამოვკრავ ყველა მოგონებას ნივთივით და გულით წავიღებ . მაპატიე ,რომ ვერ შევძელი .
შადრევნის ირგვლივ ვიცეკვოთ ვალსი და მივცემ ყველას ნებას შემეხოს ხელით სადაც მოუნდებათ .
ეს ჩვენი ცხოვრება არაა.
მე იქ დავრჩი სადაც მომკლეს .ახლა ხის ფიცრებს ვუმღერი დაუწერელ მელოდიებს და ვცდილობ ამოგიყვანო ფერადი სიზმრებიდან .
მე ელისი ვარ .
შენი სისხლი შეკარი თაიგულებად და გვირგვინად დამადე თავზე .ბეტონის კედლებიდან მკვდრები მიყურებენ და ელიან .
დაე დაგვხოცონ!
ღმერთების უძლურებით დაღლილი ჩვენი სხეულები ვეღარასოდეს შეხვდებიან .
მე ხომ მოვკვდი .
გთხოვ ,ნუ ცდილობ გამაცოცხლო .
მე ელისი ვარ .
ფეხისგულებიდან გამოვიძრობ დალეწილი ბოთლების ნამსხვრევებს და ჩემი ტირილიც დაინთქმება უზარმაზარ მორევში ,სადაც მარტო ჩვენი დაუბადებელი ბავშვები იცნობენ ჩვენს სუნს .
ისინი მოგვაკითხავენ .
ღმერთები შეცდომებს არ პატიობენ .ისინიც ხომ თავიანთმა შეცდომებმა დაღუპეს .
ელის გთხოვ!
მასწავლე ვალსი და მე წაგიყვან იქ სადაც ვერავინ გვიპოვის .
მაპატიე ,მე ვერ შევძელი .გაცვეთილ სიტყვებს დაგიფენ მწვანე ბალახზე და იქნებ სიმშვიდე იპოვო .
სიგიჟის ნიადაგზე დავიმტვრევ ყველა ძვალს და ყვავილებად მოგიტან საფლავზე .
იქნებ მიპოვო .
გალაქტიკებად გადმოსული ჩემი სისხლი მოგიტანს თავისუფლებას და შეუმდგარი ცხოვრებაც სავსე გახდება .
ფრჩხილებს დავილეწავთ კედლებზე და მაინც ვერ გავალთ .
მე ელისი ვარ .
ჩემივე თავში ნაპოვნ სხვა ხალხებს ველაპარაკები და ისინიც მიყვებიან ზღაპრებს ,თუ როგორ იყო და არა იყო პატარა გოგო ,ჩიტის ფრთებით და კურდღლის გულით .
ისინი მომიყვებიან ამბებს შენზე ,ჩემს დაკარგულ თავზე ,რომელმაც ვერ მიატოვა შავი თმები და ალერსი უსულო .
მომეფერე .ვიცი ვერ შემიყვარებ და ალბათ ახლა სადმე ნაპირთან ზიხარ და ფიქრობ ,რა იქნებოდა ,რა იქნებოდა რომ///
თავი დაიხრჩე!
შენი კივილი ყურებში მიგუგუნებს და ვიცი რასაც ვაკეთებ .
მე გიპოვი ,შენთან მოვალთ და ერთად ვიმღერებთ ჰიმნს დავიწყებულ ქანდაკებებთან ერთად ,მსხვერპლად შევწირავთ ჩვენი დაუბადებელი ბავშვების სულებს იმ ღმერთებს რომლებისაც ჩვენც კი არ გვჯერა .ისინი მოგვატყუებენ .
მე ელისი ვარ >
ჩემი თავი დიდი ხნის წინ დავკარგე ზეცაში და ვეძებ .
გთხოვთ არ მიპოვოთ ,