გამოიდარებს!.. -რას იზამს აბა?
სად გაგონილა აპრილში დარდი?
დარდი დეკემბერს უფრო ჰგავს ალბათ
ან იანვარში დათოვლილ "მანდილს",
ან უბუხრო სახლს, ან საღამოს მზეს
დღის რიტმისაგან აჭრილს და აშლილს,
ანდაც გადაღლილ, გალეულ ფიქრებს,
მაგრამ არაფრით, არაფრით აპრილს!..
სევდას რა უნდა აპრილის თვეში?
აპრილში უნდა გრძნობები ჩქეფდეს,
ვნებები უნდა ცვიოდნენ ხევში
ნაკადულებში იფანტებოდეს,
სამყაროს უნდა სდიოდეს სუნი,
ხმებისგან უნდა კრთოდეს ბუნება,
სიყვარულისგან გაბრუებული
უნდა აშარდეს თავად ცდუნება,
უნდა გაგიჟდეს ბაგეც და თვალიც,
აცეტდეს სიტყვა...სიტყვა და მზერა,
თანხმობად იქცეს ორჭოფა ქალი
მიენდოს უნდა მამრობით ჩვევას
და აგიზგიზდეს, აფეთქდეს გული,
ისე მოედოს ყველას აპრილი
სიმორცხვისაგან გახელდეს სულიც,
ვნებისგან ვნება იქნეს დაღლილი!..
და ამის შემდეგ არ არის ეჭვი,
რომ უსაშველოდ გამოიდარებს...
სევდა კი არა, აპრილის თვეში
შიშველი ვნება ემჩნევათ ქარებს.