წყარო

წყარო ანკარა, წყარო კამკამა,
რაკრაკ-რაკრაკით მოედინება,
ხტუნვა-ხტუნვით და სიცილ-კისკისით,
ხან სწრაფად, ხან ნელად,
ბავშვის ტიტინით მოედინება.

რომ დაიღლება, თან შენელდება,
ვაკე ადგილზე დასასვენებლად,
რომ დაისვენებს, თან აჩქარდება,
კლდის მწვერვალიდან გადასახტომად,
კლდის სიმაღლიდან სანამ ვარდება,
ჩიტად იქცევა, წვიმის ნაკადად,
შხეფად იშლება, წვიმის წვეთებად,
წყლის ორთქლად, ნისლის ნაბადად.

წვიმის წვეთებით მზეს აირეკლავს,
წვიმის წვეთებში მზეს აციმციმებს,
ცისარტყელას ქმნის, მრავალფეროვანს,
ბავშვთა სამყაროს, ყვავილთფეროვანს,
მთელ არემარეს, სულდგმულს, უსულოს,
დიდს და პატარას ყველას ახარებს.

კახაბერ როდინაძე
ადვოკატი
ბათუმი, აჭარა
30.03.2020



ქართულენოვანი ორიგინალი, ჩაწერილი რუსული ასოებით, აგრეთვე რუსულენოვანი თარგმანი გამოქვეყნებულია 2020 წლის 30 მარტს ვებ გვერდზე
https://www.proza.ru/2020/03/30/1594

© Copyright: Кахабер Родинадзе Адвокат Батуми, 2020
Свидетельство о публикации №220033001594