მთვარეს თეძოზე ღრუბლის ბლონდი მოეშილიფა,
აივნები კი ჭორაობდნენ სახლზეც, პატრონზეც...
ლამპიონები ანათებდნენ ქუჩას ირიბად,
და ვერ ხედავდნენ სადღაც, იქვე მდგარ სიმარტოვეს...
ქუჩა და ღამე ერთად თხზავდნენ ღამის კანონებს,
საქმეს ურჩევდნენ მაწანწალებს, ლოთებს, ბოზებსაც.
თუმცა, მათ გარდა არც ვინ იყო იმის გამგონი,
რომ ყველა კანონს რა ხანია თავი მობეზრდა...
მთვარეს თეძოზე ღრუბლის ბლონდი მოეშილიფა,
გამოლეოდათ საჭორაო უკვე აივნებს.
ქუჩა კი გარეთ გამოგდებულს ჰგავდა შინიდან,
და აგროვებდა ქუჩა-ქუჩა თავისნაირებს...