შენი ბგერის სიხშირე,
წებოვანი ყელიდან ამოკორტნილი ყველა იმ შრიალით გაიზომება,
რომელიც შორისდებულებმა დაიმარტოხელეს
და დათრგუნეს, დაიმორჩილეს და გადატკეპნეს.
ისე როგორ უნდა დაიკაპიწო ადამიანმა თვალთმაქცობა
რომ მხოლოდ იმ სიტყვებმა შეძლონ ენიდან გადმოხტომა,
რომლებსაც სიხარულის პარაშუტი არასოდეს ეხსნებათ
და ითქვიფებიან დაუჯერებლობაში...
ისე როგორ უნდა მოილხინო სასეიროდ,
დარდის ხანძარიც შეუმჩნეველი დაგრჩეს
და ხანდახან იმის შეხსენება რომ ადამიანი ხარ,
შინაურ ოთხფეხას განუსაზღვრო მთავარ ვალდებულებად.