სადგური. აგვისტო. ბაქანი.
ფრანკფურტი. მდ. მაინი.
ვაგონი შტუტგარტში დაქანდა.
თბილისში გითარგმნი ჰაინეს.
ჭადართა ყვითელი სამოსი.
მტვრიანი მტკვრისპირი-მდუმარე.
წასვლისას ბოლოჯერ მაკოცე,
წასვლისას არ მითხრა უარი.
ვინახავ მოწერილ ბარათებს.
ქალაქებს. მარკებს და თარიღებს.
მარადის. მარადის. მარადის.
სიზმართა ურდული გამიღე.
მოგიტან კესანეს. ზამბახებს.
დილამდე შემოვრჩეთ მარტონი.
ღვინოში მოვთუშოთ ყაბაყი.
შენ ის თქვი: მერლო თუ შარდონე?
თვალები გაგიხდეს დიდრონი.
მაინზე ვეძებდეთ მადათოვს.
გადავდოთ რუსონი. დიდრონი.
გადავდოთ. გადავდოთ. გადავდოთ!
სადგური. აგვისტო. ბაქანი.
ფრანკფურტი. მდ. მაინი.
ვაგონი შტუტგარტში დაქანდა.
თბილისში გითარგმნი ჰაინეს.