ღვთისმშობელო მარიამ,
რისთვის გჭირდებოდა  შენი მოსახელე
ორი უმწიკვლო,
ჯერ დედობაგამოუცდელი
ჯერ  სიყვარულით  დაუნაყრებული
ვერც სიცოცხლით  გამძღარი
ყვავილივით  ლამაზი და
ნიჭით გამორჩეული გოგონები?

ალბათ  უდედო  ბავშვები  გყავს გასაზრდელი,
ის  პატარები,
დედებმა რომ სიცოცხლე მოუსწრაფეს,
მათი დაბადება რომ დაიზარეს,
და  დღეები  დაუმოკლეს.

თუ მათ გასაზრდელად გჭირდებოდა
ჯერ დედობით დაუღლელი
გოგონები,
მხოლოდ ამ დროს გავჩუმდები,
წყალს ჩავიგუბებ და
ჩემი ორი მარიამის
წაყვანას გაპატიებ