ერნან ხორხეს ძე კრესპო მათია,
ვინც საფეხბურთო ქრესტომათია
ზეპირად იცის, თუნდაც ძილისას,
ვისაც ჯერ კიდევ შერჩა თილისმა,
ვისაც უნდა რომ თავთან ელაგოს:
ნახევრად სავსე ბოთლი მალაგის
და გაუხსნელი ბოთლი ხერესის,
ხოლო წინ ეჯდეს კარლოს ტევესი,
სიმშვიდე ჰქონდეს შვიდივე ჩაკრის,
სანამ ორტეგა მოსაწევს ჩაყრის,
სანამ დიეგოს კოცნას კანიჯა
და მიაშურებ ცხელ-ცხელ აბიჯანს,
ჩაყარე, თანაც მეორე წრეზე,
მოძმედ იახლე ესაძე რეზო,
ნახეთ მილანი, ბარი, ვერონა,
თან წაიყოლეთ ხუან ვერონი.