ტკბილო ღამეო ,
ისევ გთხოვ დილას
და პურის ნაჭერს .
ასფურცელებს
ცოტა ღვინოს ...
რა იქნებოდა ?
ლიტურგია შენი
და ცრემლთა დენა .

ცოლს ვკითხე ტკივილზე ,
ცოტა მაინცო -
მიპასუხა და ნიჟარაში სიზმარი მოყვა .
განა ასე რთულია ,
თქვა - "კარგად ვარ!"

დღეები დაავადნენ , გაყვითლდნენ და ანგელოზებს უხმობენ დასამშვიდებლად ,
მე მწვანე წინდები მაცვია
და აივანზე სიგარეტს ვეწევი .

ვაფურთხებ ყველა ლექსებს ,
და ვყვირი
- ანგელოზებო მიყურეთ .

აღსარების წიგნი გადავიკითხე ,
გავიღიმე და ვყვირი
- ანგელოზებო მიყურეთ .

ჩიტებს ვუყურებ და ვყვირი
- ანგელოზებო მიყურეთ .

დღეები გაყვითლდნენ და ვყვირი
-ანგელოზებო მიყერეთ .

მე და ჩემი ცოლი ,
ტკბილო ღამეო და ცოტა ღვინო.
ასფურცელები და ლიტურგია ,
ანგელოზები და ცრემლები .