არის დღეები, გვიანობამდე უნდა იძინო,
ზმორებით მოკვდე...
გამორთო ტელეფონი.
მაღვიძარა.
დალიო უშაქრო ყავა.
მოწიო რამდენიმე ღერი პაპიროსი.
დაათვალიერო ძველი ფოტოები.
ჩაასწორო ბოლოხანს დაწერილი ტექსტები.
შეიარო ტოტალიზატორშიც.
უყურო ფილმებს.
წაიკითხო საპირფარეშოში.
იხეტიალო უმიზნოდ.
უსმინო სტრავინსკის.
ითამაშო ბანქო.
ფეხბურთი, თუნდაც კომპიუტერში.
არ დაივარცხნო თმა.
არ გაიპარსო წვერი.
არ იპკურო სუნამო.
ახვიდე მამის საფლავზე.
იტირო.
იცინო.
იტირო.
გაიხსენო.
იტირო.
წამოხვიდე.
გაგეცინოს.
დაანთო სანთელი.
მოხვიდე სახლში.
ჩართო ტელეფონი.
ნახო გამოტოვებული ზარები.
გამორთო.
დალიო ჩაი.
დაწვე.
დაიძინო.