დაბეგვე შენი ოხშივარი - სხეულის სითბო
ტანზე რომ ქშინავს,
დაბერე სული გაღვიძებას ნოტიო ძილით.
ჩაიტკბარუნე პირი  გათენდი-თ.
ჯერ არაფერი გამოგსვლია ისეთი მშვიდი,
როგორც იდაყვში მკლავის მოკეცვა.
ისეთი მკვრივი ვერაფერი დევნე ტანიდან,
როგორც მხრებს ქვემოთ წინა ნაწილი.
არც უცნაური არაფერი დაგსიზმრებია,
გარდა ქაფქაფა სიცოცხლის ტალღა,
სულის შებერვის გარეშე რომ ხვრეპდა რხევებით
თავშეკავების უარმყოფელი გამბედაობა.
ვერ გიკარნახებ რა უნდა გეცვას.
ვერც იმას ვხვდები რა უფრე დიდი ,,დანაშაულია'',
პეპლის ფარფატის მაგვარი ცეკვა რომ შეგიძლია,
თუ ჩემი გაყუჩება შენი უძრაობით.