შენ ჩემი სიხარული უნდა ყოფილიყავი და გახდი ტკივილი,
დედის მაგივრად მიწამ შეიგრძნო შენი სათუთი თითები,
ის რძე რომელიც უნდა შეგეტკბო მახრჩობს და მექცევა.
შენ ჩემი სიხარული უნდა გამხდარიყავი
ახლა კი ეკლებად მახსოვს ყველა შენი შეხება არსებობით ჩემში,
ვერ გაგიხილე დახუჭული
თვალები, ვერ ამოვისუნთქე შენ მაგივრად,
ვერ მოგეფერე,
ვერ ჩაგეხუტე,
ვერ გიმღერე , ვერც გიგლოვე, ანგელოზო ჩემო.
ჩემი სიხარული უნდა გამხდარიყავი და გახდი ტკივილი, ნაღმივით დამიტოვე უშენობა უჩემობაში....
შენ ჩემი სიხარული უნდა ყოფილიყავი...
რომელ ფრინველებში გეძებო,
რომელ ჩიტს დავუკოცნო ბუმბული?..
შენ ჩემი სიხარული უნდა ყოფილიყავი...
მაპატიე , ვერ გაგიფრთხილდი,დე..