დგება აგვისტო
გულთა დაგვის დრო
და მოლოდინიც უფრო ჩქარდება,
წამს თუ დამითმობ,
წუთებს გაგითბობ,
ცა ცისარტყელით მოიქარგება.

იწვის ივლისი
განცდა იმისი,
რომ ვეღარ გნახავ გონებას მირევს,
ქრება ივლისი-
კდემა ირმისი
მწველი აგვისტოს ოცნებას ირევს.

დგება აგვისტო
ფიქრთა გაცვლის დრო,
გრძნობა აწვალებს გრძნეულ კლავიშებს,
წვიმის დაცდამდე,
ლექსის განცდამდე,
შენს თავს ვფიცავარ,
არსად გაგიშვებ.