აქ  მხოლოდ თავსხმა წვიმებია,
გული ფრთხალი და უამინდო ...
ცის სარტყელს ნატვრა  მიბნევია,
თუმც დაიღალა უარით ,რომ
 
გრძნობს აქ ქარაშოტს დარაჯობენ
აკანკალებული სტრიქონები,
სადაც  უგულო გამარჯობებს
არ მინდოდა და ვიგონებდი.

სადაც მაბნევდა ცის ელდები,
სადაც წვიმა და ქარი მცდიდა
აღარ დაბრუნდე, დასველდები,
გულიც ხო თითქმის გაგიცივდა.

აღარ დაბრუნდე, ირევიან
ღრუბლები ,სევდას ვერ აჯობებ,
აქ მხოლოდ თავსხმა წვიმებია,
აქ მხოლოდ ქარებს დარაჯობენ.