უილიამ ბლეიკი - აღდექ ინგლისო, დახვდი მღვიძარი...

აღდექ ინგლისო, დახვდი მღვიძარი
იერუსალიმს  - დობილს ზარებით!
სტუმრად მოსულა შუქმომფინარი,
ძველი გალავნის გახსენ კარები! 

ადრეც გიგრძნია მკერდით სიტკბონი
მისი მადლის და ხვავრიელობის,
შენს ჭიშკრებს ახსოვთ გზები სიონის,
როცა დრო გედგა  ტრფობის, ქველობის.

ის დრო დაბრუნდა და თადარიგით
გახსენ ლონდონო ბჭენი გოდლების,
რათა სუფევდეს უფლის ტარიგი
ინგლისის მწვანე საჩრდილობლებში!

24 ივლისი, 2022 წ.


ორიგინალი იხილეთ აქ: https://allpoetry.com/England!-awake!-awake!-awake!