მახსოვს, მახსოვს, კარგად მახსოვს
ის, - რაც უნდა მახსოვდეს,
ისევ მყავხარ გულთან ახლოს,
მინდა მუდამ გახსოვდეს:

არასოდეს გიღალატებ,
არ გაგწირავ ლამაზმანს,
მაგ ეშხმა და სილამაზემ
აწმყო გამილამაზა.

გამიფრინდა სიყმაწვილე,
ცრემლით მოვრწყე კორდები,
შენთვის მაინც ვიარწივებ,
შენს მკლავებში მოვკვდები.

ვიდრე წავალთ ამ სოფლიდან
სიყვარულის შვილები,
მსურს: ჩვენც გვყავდეს ნაყოფი და
დავაფასოთ გმირები.

მახსოვს, მახსოვს, დღესაც მახსოვს
ის, - რაც უნდა მახსოვდეს,
ისევ მყავხარ გულთან ახლოს,
მინდა მუდამ გახსოვდეს.

ოთარ რურუა

2022