პერიოდია ახლის პოვნის, ახლის ძიების,
მაგრამ რთულია ამ ჭაობში რამის მიგნება,
აქ იშვიათად სიხარული თუკი იელვებს
და უფრო ხშირად იელვებს და რწმენა ინგრევა.

დიდი ხანია აგვერია დრო და გზა-კვალი,
ყველა ბილიკი, შესახვევი, ყველა გზა-შარა,
ჩვენი უმანკო სურვილები თოვლით დავფარეთ
და საბოლოო ნაკვალევიც თოვლმა წაშალა.

ჩვენ მაინც ვეძებთ ჯიუტად და მუხლებს ვიტყავებთ,
გზებს მივუყვებით, მეჩხერ გზებს და თითქმის მიუვალ
და ვართ იმაზე ძლიერები, ვიდრე ვიყავით
და მერე რა, თუ ვერ ვიცხოვრეთ ჰარმონიულად.

23/09/2021