ერთ დროს,
ჰიჩკოკი ტემზის ნაპირწყალს მისცემია
შთაგონების მოსაპოვებლად.
განგებ ტანსაცმლით
ჩაწოლილა,
რომ სიცივის გარდა ,
კარგად ეგრძნო მისი სიმძიმეც.
ასეთი ქცევა
რაღაცით სიყვარულის ძიებას ჰგავს,
თავისთავად სირთულეების,
თუმცა,
ფოტო ვერაფერს
გვამცნობს,
გარდა ფაქტისა.
ფოტოს ქვეშ მშვიდად დაწერილი კომენტარი კი:
- "მე ყველანაირ შთაგონებას გავურბივარ",
მაფიქრებინებს,
რომ სიცოცხლის გამარტივებაში
უფრო მალე გადის სიცოცხლე.