ბევრი წერს ლექსებს, სიბრძნეს  უძველესს
არც სულთა ღელვა ეუცხოვება,
მაგრამ სხვა არის, ერთ დაუწერელ
ლექსს თუ მიაბი მთელი ცხოვრება.

გაფორიაქებს დროის სიმცირე
და სულ გგონია რომ არ გეყოფა,
სათქმელს გულიდან ვერ მოიცილებ,
ვერ დაუტოვებ ერთგულ მეგობარს.

თუმც უკვდავებას არვინ გპირდება,
ვალიც ბევრი გაქვს გადასახდელი,
დაწერ და არც ეს გაგიკვირდება-
იმ ბოლო ლექსში  გადასახლდები.