მთავარი გვერდი
პორტალის შესახებ
რეგისტრაცია
ნაწარმოებები
კომენტარები
რეცენზიები
დღიურები
წევრები
ლიტ-მოვლენა
ილუსტრაცია
მოგვწერეთ
ძებნა
ფორუმი
გამოცხადდა კონკურსი ლილე2026 . იხილეთ ფორუმზე კონკურსების განყოფილებაში     * * *     გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ოთარ რურუა
ჟანრი: პოეზია
7 თებერვალი, 2025

თათა - ჩვენო თათული...

თათა - ჩვენო თათული -
ხარ შველივით მწყაზარი,
დაგელოცოს ქართული
მრწამსი... რწმენის ტაძარი.

მომღერალი არა ვარ,
მაგრამ მინდა გიმღერო...
და ჩემს თვალწინ თამამად
ყელი შენც მოიღერო.

მოცეკვავეც არა ვარ,
თათა - ჩვენო თათული,
მაგრამ მინდა ალალად
ჩვენც ვიცეკვოთ ,,ქართული“.

ცხადია თუ ზმანება,
გულს ვიჯერებ ოცნებით...
მსურს რომ ლამაზმანებმა
გამაბრუონ კოცნებით.

შევსვი ჩემი თასიდან
ღვინო - ნექტრის სადარი,
ხარ შველივით ნაზი და
შვლის ნუკრივით მწყაზარი.

შემოვივლი ღვთის ნებით
ყველა ციხე - გალავანს...
სამშობლოში მივყვები
სიყვარულის ქარავანს.

ოთარ რურუა

2025

მწყაზარი - მეტად ლამაზი, მოხდენილი, მშვენიერი

ნექტარი - მცენარის ყვავილის ტკბილი წვენი, ღმერთების სასმელი
კომენტარები ილუსტრაციები რეცენზიები