ძალით არავინ მოგახვევს თავზე
სულმდაბლობას და სულაძაღლებას,
ღვთის შემწეობით ვინც დაძლევს ავზნეს,
განწმენდილ სულით ზეცად მაღლდება.

უკეთურება გამოგცდის, გაზრზენს,
ეცდება ნების ციხის აღებას,
ჯერ ჩაგაგონებს უკეთურ აზრებს,
რომ შეძლოს გონის დაყადაღება.

ვინც დადის ფართო წარწყმედის გზაზე,
ამქეყნიური ყოფით ლაღდება,
სიკვდილის შემდეგ ცის სილამაზეს
ვერ დაიმკვიდრებს, როცა აღდგება.

ვინც დაიბინდავს სიმართლის სამზერს,
ავს ანდობს გულის კლიტის  გაღებას,
ვერ გადალახავს საშინელ საზვერს,
ჰადესის დამღით დაიდაღება.

8 ნოემბერი, წმ. ილია მართლის ხს. დღე, 2025 წ.