ლექსები
ნინო დარბაისელი

ქეძაფი

მე დავინახე ცაში ჟირაფი,
ტუჩის კუთხეში რომ ედგა ქაფი.
ოქრო-მზის  ნათელს ხსნიდა ქეძაფი,
სხივი დაწყვიტა  - ვით სუსტი ძაფი.

ავსტრალიის ზეცაზე შეწყდა სხივთა კიაფი.
ყოფას  დასცქერს  ჟირაფი -  გაუგებარ დიაფილმს.
ღრუბლებში აქვს ყურები, ვერ ასწვდება კი ლაფი,
  ხომ არ იცი, ჟირაფო, მაინც რა გაიაფდა? 
- ყველაფერი -  ძვირია, სიცოცხლეა - იაფი!

- - -
* ქეძაფი - იგივეა, რაც თეზაფი -
აზოტმჟავასა და მარილმჟავას შერევის შედეგად მიღებული ყვითელი სითხე, რომელშიც ოქრო იხსნება.
გადატანით  იტყვიან გემონაცვალ, ამჟავებულ  ღვინოზე.  ამ გაგებით, ბალღამის სინონიმია.