#ლექსები

ნინო დარბაისელი

სონეტი  ერსა და ჭეშმარიტებას


ჰკითხა პილატემ იესოს
“რაი არს ჭეშმარიტება?”.
ვერაფრით ვეღარ სძლიესო.
ირჩია თავგარიდება.

მე - ამ საქმეში ხელს ვიბან,
თქვენ თავად გაარკვიეთო,
ქურდს და მკვლელს ეძებთ ბან და ბან?
ერთს ინდობთ? - აპატიეთო!

სამშობლოს სჯობსო, მიცხადეს,
უცნობი ჭეშმარიტება,
კარგი ბოროტად მით ხადეს…
თუკი გდევს ეშმა - რიდება!

რაიც არს ჭეშმარიტება,
ერის წილ - არ დაიდება!