ძალიან მიყვარს ჭადრაკი და ჭადრაკის თამაში. შემიძლია მთელი დღე - 24 საათის განმავლობაში შეუსვენებლად ვითამაშო, გავარჩიო პარტიები და ამოცანები. ეს პირველ რიგში ბაბუაჩემის - ნიკოლოზ ძოწენიძის დამსახურებაა. მან შემაყვარა ჭადრაკი, ხშირად მამარაგებდა ჭადრაკის წიგნებით.

ნიკოლოზ ძოწენიძეს საქართველოს პირველობაზე ლეგენდარულ ნანა ალექსანდრიასთან აქვს ნათამაშები. ორმატჩიანი დაპირისპირება საყაიმო ანგარიშით 1:1 დასრულდა.

როგორც ლეგენდარული გარი კასპაროვი ამბობს: ,,საოცარი თამაშია ჭადრაკი, ყველა სვლაზე პასუხისმგებელი ხარ“. მართლაც ასეა!

როგორც ჭადრაკში ვარ პასუხისმგებელი ჩემს ყველა სვლაზე, ისე ცხოვრებაშიც მე ვარ პასუხისმგებელი ჩემს ყველა სვლაზე.

დაბოლოს, ჩემივე ლექსით მინდა დავასრულო:

ამ ცხოვრებაში, როგორც ჭადრაკში
ჩემს ყველა სვლაზე პასუხს მე ვაგებ
და ვიდრე მხიბლავს ვარსკვლავთ კაშკაში,
ცაში აფრენილს ვგავარ შევარდენს.

ამ ცხოვრებაში, როგორც ჭადრაკში
შენს ყველა სვლაზე პასუხს შენ აგებ,
თუნდაც ჩააგო ხმალი ქარქაშში,
სიყვარულისთვის მაინც შეგაქებ.

ოთარ რურუა