უცნაური ვინმეა ეს ყირამალა. ჭორები გავრცელდა სულ შეიცვალა და თავდაყირა დაიარებაო, მაგრამ შენ თუ გინდა მაინც არ დაიჯერო... ან შენთვის რა მნიშვნელობა აქვს თავდაყირა-ყირამალა ივლის თუ სწორად? ჰოდა ვითომც არ მითქვამს...

* * *

- სახელი
- ყირამალა,
- ეგ რა სახელია?
- აბა ირის ყველა მეძახის, ამ ამპლუაში ბევრად ორიგინალური ვარ
- გვარი
- სევდისშვილი
- დაბადების წელი
- ამბობენ ის წელი, თბილი წელი იყოო
- თვე?
- შემოდგომისფერი
- რიცხვი?
- 7 წლის რომ გავხდი მამამ მითხრა, შენი ბედნიერი რიცხვია და ბედნიერი იქნებიო...
- ხასიათი?
- მეამინდე
- მონატრება?
- სულის ტკივილამდე
- სიყვარული?
- გვირილა
- შენ?
- პეპელა
- სამყარო?
- შავ-თეთრი
- პ.ს. აფრენ?
- მოდი ერთად გავაფრინოთ...


  რამდენიმე წუთის წინ ყირამალასგან ინტერვიუს აღება გადავწყვიტე და მერე გადავიფიქრე, რომელი საინტერესო რესპოდენტი კიდევ ეგ მყავს? თან სულ იმას გაიძახის გიჟი ვარო... თავიდან არ მჯეროდა მაგრამ ახლა თანდათან ვრწმუნდები. ისეთ სისულელეებს აკეთებს რომ მერე თვითონაც უკვირს. თუმცა რაა? ამბობენ არც ადრე იყო მთლად დალაგებულიო... ბევრი ვიფიქრე და ბოლოს შევეშვი, რავიცი გადამდები არ იყოს მისი სიგიჟე და მეც არ გავაფრინო მეთქი...

სიცილად არ ეყო...

* * *

  გუშინ ძველ დღიურს ვათვალიერებდი მე-ყირამალა, გადავშალე თუ არა გვირილების სუნი მომიტანა, ჰმ, თქვენ რა  იფიქრეთ? იმ გვირილების სუნი მოიტანა, 1 წლის წინ მეგობარმა რომ მაჩუქა არყის სუნით შეზავებული და სასიამოვნოდ გამეღიმა, მერე გამიხარდა და კარგი განწყობის გამო სულ თავდაყირა ვიკოტრიალე...

თქვენ თუ არა ამას ბარნო მაინც დამიჯერებს...

* * *

  ერთმა ძალიან ჩემმა მომწერა, “შენ ვერც კი წარმოიდგენ რა ცუდი ვარო...” მერე ისიც დააყოლა “ირი შენ ჩემი გული ხარო... “ ბევრი ვიფიქრე, მოგონებები საგულდაგულოდ ვფურცლე, მაგრამ ვერაფერი აღმოვაჩინე და მივწერე სულელი ხართქო... მისი გული რომ ვარ მიხარია, ის ცოცხალია ე.ი. მე ვფეთქავ, ვფეთქავ ანუ ვცოცხლობ, ვცოცხლობ ანუ ვვარსებობ და საერთოდაც სასწაულია ვიღაცის გული რომ ხარ, თან თუ იცი რომ ჰაერში გასროლილი სიტყვები არაა...

თოლია დაფრინავს...

* * *

  სულში კრიზისი მაქვსმეთქი, კაი რაო... კაიმეთქი...

  კრიზისი მე რომ მქონდეს აღარავის უკვირს, მსოფლიო კრიზისიაო და... ჰოდა მეც აღარ მივაქციე ყურადღება და გუშინ სიზმარეთში რომ მოხეტიალე მესიზმრა იმან მითხრა, რამდენი ხანია დაგტოვა, ჩემთან ერთად იხეტიალა და რავიცი მერე სადღაც დამეკარგაო. კარგია რომ შენთან ერთად აღარ დაბრუნდამეთქი...

გამიხარდა...

ზოგჯერ სიზმრებიც სასიამოვნოა...

* * *
- პროფესიით?
- ხეტიალა
- ჰობი?
- დიალოგი სარკესთან
- აფრენ?
- მოდი ერთად გავაფრინოთ, მარტო კაცი ფრენაშიაც ბრალიაო, არ გაგიგია?
- არა

ჩემი დღევანდელი დევიზია, არ შეიმჩნიო...