ვეღარ გავიგე ბოლო-ბოლო
ცა გაქვს რამხელა,
წუთიდან წამი იწელება
ვინ აგაჩქარებს,
ჩვენ მოვდიოდით
და მინდოდა შენთვის გამხელა...
რომ ქუჩის ჭადრებს თოვლის ფიფქი
შემოეჩვია...

შემოგეჩვიე, შევეჩვიე შენსკენ სიარულს...
დილით მაბრალებს აისორი
ქუჩის ნაგავს და
წუხელ ვლოთობდი
უნებურად ჩამომიცვივდა
ამ ფიქრებიდან
შუამთა და მთელი მარაბდა -

როგორ გატარე, ცაცია ვარ
ანდაც ციცაბო
მიყვარს ფიქრები, ოცნებები
უნდა მაცალო,
რომ შეგიჩვიო მკლავებში და მერე
ჭადრებთან
ალბათ გაგიმხელ რომ ღიმილი
შემომეჩვია