როგორ ამტკივდა სიყვარულო დაღლილი ძვლები,
როგორ აკივლდი სიყვარულო დედის საფლავთან.
ჩემოიგლიჯე მძივებივით ათვლილი წლები
და თეთრი ყელი მომაშუქე ძველ ნასაყდრალთან.
შენ გადარბოდი, სივრცეებთან დაღვრილი ფერი,
ლამის სიცროცხლეგათავებულს ცოცხლად მმარხავდა,
ეს გადაფრენა სივრცეებთან აჭრილი ხელით
დაიწყო ნეტავ, თუ სიცოცხლე უკვე გათავდა?
... შენ გადარბოდი, სივრცეებთან დაღვრილი ფერი
ლამის სიცოცხლეგათავებულს ცოცხლად მმარხავდა.