ცარგვალმა კარედი დაახშო, რა...
რა აკიაფდა პირველი მთიები,
შესრულებული დანაპირები:
ღამემ მერამდენედ დაგვაშორა.

თითოეულ წამს ხელი დაავლე,
გამიხსენე და გაიღება ცის კარედი,
კოცნებს მოგაგონებს შენ ცისკარები,
კოცნებს, რომლებიც ძოწში ვერ დანავლე.

ჩამავალი მზის სხივად მოვალ მიმწუხრებს
დასაბრუნებლად შენგან წასული,
სულ არ წასული და სულწასული...

გზა და სიშორე ნუ დაგამწუხრებს,
იტყვი: "იყო moesta et errabunda,
წავიდა, წავიდა და ისევ დაბრუნდა."