***
როგორ არ ვუგალობო ცას,
ზოგჯერ რომ შენს თვალებს გამოისხამს
და ზოგჯერ_ვარსკვლავებს...

***
ანგელოზის ჩრდილივით
ნათელი და ლამაზი სევდა.

***
ენატრებოდი...
შენი ფიქრის ექო ესმოდა.

***
სადღაა მეზობლობა შეხმატკბილებული,
როგორც შარვლისა და ხალათის.

***
არავინაა ქვეყნად ობოლი_
დედა რომ მიდის,მისი სითბო
არ ქრება სამყაროში...

** *
გულის სივრცეში შენი სიმღერა,
ვით წვიმა მზიანი...

***
ბავშვები_
კითხვები,ბრძენთაგან აუხსნელი,
რომელთა პასუხიც ღმერთის ღიმილშია.