უკან ვიხედები, მივდივარ წინ და
შენზე ოცნება დაწინდაწინდა.
მონატრება შენი თვალის ფერთან დაწინდა.
უკან ვიხედები, მივდივარ წინ და...

მელაჟვარდები, მეფიქრები და მეანები:
ალბათ, ცარგვალმა დამაბედა მე ანები...
შენით გაჟღენთლი ღამეა, ნები
ჩაეწო გიშრის ტბაში: შენ „ჰოეები“, მე –  „ანები“.
მელაჟვარდები, მიყვარხარ და მეანები!

ცარგვალმა მარგუნა ერთადერთი ანი.
ინ–იანი მეწამული, სისხლით ერთიანი:
ვნება უღმერთო და გრძნობა ღმერთიანი.
როგორც შვიდიანს ციფრი ერთიანი,
ცარგვალმა მარგუნა ერთადერთი ანი!