ტყის  აქიმი

/გამოცანა/

იგი  ხეთა  მკურნალია,
განთქმული  და  უბადლო.
რაც  მას  უშრომ-უწვალია,
როგორ  არ  დავუმადლოთ?!.

დასტრიალებს  დღენიადაგ
ყველა  ხეს  და  ფუღუროს.
ტყის  მტრებს  მოულხენიათ  და
სეირს  ხომ  არ  უყუროს?!.


ბაბუ,  ბუბა,  ბომბორა,
ბუზი  ბზუილა  და
ობობას  ბადე

/ენის  გასატეხი/

ბუთხუზა  ბუბა  ბაბუას
ბრძენივით  ებაასება.
ბუზმა  ბზუილ  გააბა
ბომბორას  გასაბრაზებლად.

გაბრაზდნენ  აბეზარ  ბუზზე
ბომბორაც,  ბაბუც,  ბადიშიც…
გაება  ბოლოს  ბზუილა
ობობას  გაბმულ  ბადეში…


ქოჩორა  და  ჭრელკუდა

-  რა  გაკაკანებს 
თეთრო  ქათამო?
ვინ  გაგაბრაზა?
-  კა-კა-კა-ტამო!..
-  ჭრელკუდავ,
თავი  არ  მაცემინო ,
ჩემს  თეთრ  ქოჩორას 
არ  აწყენინო!..