დამტოვე, წადი... შენთან არ მინდა.
ქარს გაატანე ჩემი ლაციცი.
წადი, დაივიწყე ჩემზე რაც იცი.
ცა შეისუდრა, ლაჟვარდი გარინდა.

ჰო, ისევ წადი, მარტო დამტოვე,
ყველა ნაკოცნი დანავლე და გაანიავე.
ქარიშხალი დამინთე, ძოწი გააღიავე
და მონატრების თეთრი ფთილით ისევ დამთოვე.

ისევ დაღალა ალერსმა რტო.
დამტოვე, წადი, მომანატრე შენში ნარცისი.
თითქოს იცი და თითქოს არც იცი:

იმიტომ მინდა დამტოვო მარტო,
რომ მომაწყურო შენი ლაციცი,
უფრო შემიყვარდე და მომენატრო!