მე თუ მოვკვდები ვიცი ვინმეს გული დასწყდება.
მე თუ მოვკვდები ვიცი ვინმე ცრემლებს დამაყრის.
მე თუ მოვკვდები სინანულის გარდა რამრჩება?
ეს სულ ერთია, ვიღაც მოვა, ცრემლებს დამაყრის.

მე თუ მოვკვდები და უდროოდ წავალ თქვენიდან,
ჩემს შესანდობარს ვიცი ალბათ ვიღაცა ასწევს.
მე თუ მოვკვდები, გზაზე ხიდი თუ ჩამიტყდება,
ჩემს დაუწერელ ლექსებსაც ალბათ ვიღაცა დაწერს.

მე თუ მოვკვდები ჩემი კუბო იებით მორთეთ
და გაზაფხულის სურნელება თან ჩამაყოლეთ!
მე თუ მოვკვდები, სამარისკენ როცა წამიღებთ,
ჩემი ბავშობის ბილიკებზე გადამატარეთ!


      ავტ:    ელზა სესიკელაშვილი