დრო გარდასული აღარ დაიცდის,
არც დააბრუნებს უკან აღარას...
ვიღაცას ტკივა, ვიღაც განიცდის,
ვიღაცამ ცხარე ცრემლი დაღვარა


ხანდახან ისე სწრაფად გაივლის,
მოიხედავ და გრძნობ გვიანია,
დროს შეცდომების გამოსწორების,
დროება სადღაც წარუტანია.


ხშირად შეცდომებს გვიანღა ვხვდებით,
მათთვის რადგან ადრე არ გვცალია...
თუ პატიებას ვერ მოვიპოვებთ
მხოლოდ დროის და ჩვენი ბრალია.


დასაბამიდან ასევე ვფიქრობთ,
დღეს ვერაფერი ვერ შეგვიცვლია,
მხოლოდ ერთს გეტყვი: გთხოვ მაპატიო,
მე პატიება არ შემიძლია!..