ნემსი,ძაფი ნაჭერი,
მაკრატელო,გაჭერი!

აღუღუნდი,აგვირისტე გამართულო \'\'ვერიტაზო\'\'!*
დედა ამბობს,ჭრა და კერვა აჩქარებას ვერ იტანსო.

ბებო ყვება თავისი გოგოობის ამბავს,
ნელა,სვენებ-სვენებით,თან სახელოს ლამბავს.

მკერდზე ფონედ აუღეო,თადარიგობს ბებო,
მალე დაუვიწროვდება,მერე ინანებო.

გულისპირის შესაფერი მოიძია ღილი,
/რაღაც,თვალში არ მოსდის მკერდი გაღეღილი/.

მუხლისთავიც დავუფაროთ,დამიჯერე,სჯობსო,
სათვალიოს ბევრი ავი თვალი სდარაჯობსო.

-დღეს მოდაში მინია,ძველ დროს რატომ ადრით?
ბარემ კოჭიც დამიფარეთ და მატარეთ ჩადრით! -

- და სარკეში თავს უღიმის გოგო ირმისკანჭება.
კაბა როგორ მოიხდინა,ო,როგორ იპრანჭება!

აივნიდან მალულად თვალს მოავლებს ბიჭებს.
ნაწვიმარზე ერთი ბიჭი ლაღად მოაბიჯებს.

შენი ციცქნა საიდუმლო როგორ გათქვეს ჩიტებმა!
მალე მთელი მთა და ველი შენთვის მოიჩითება.

ამ ჟღურტულს და ჟრუანტელს რა სჯობია,აბა!
მზით გაცვითე,
მზით გაცვითე
ეს ახალი კაბა!