ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: მარგო
ჟანრი: პოეზია
29 მაისი, 2008


თურმე

ვიდრე გზააბნეულ ლექსებს,
სიტყვებად დაშლილს,
ა-დან ჰაე- მდე
მრავალგზის დაწყობილს
ზამთრის ხეების
შიშველ ტოტებში
გაბლანდულს ვიპოვიდი,
მეგონა,
ლექსები თავად პოულობდნენ
გამოწვდილ ხელებს
და
მათში მოწყალებასავით ჩხრიალებდნენ.
თურმე,
ლექსებს,
როგორც საფოსტო მტრედებს,
უნდა ჩასჩურჩულო მისამართები...

კომენტარები ილუსტრაციები რეცენზიები