მოდი, მომიძებნე ზღვის ხმა,
თითი დააჭირე ”ენტერს”,
ფრთხილად გაკოცებ და... სისხამ
დილით დამიჯერე, მენდე,
ბუტაფორიაა მანდაც, -
მთელ ამ ვირტუალურ სივრცეს
სჯობს ზღვა დაივიწყო, ანდა
ბავშვებს საბრუნებლად მისცე:
ზღვა,
ზღვამ,
ზღვას,
ზღვის,
ზღვით,
ზღვად,
ზღვაო...
...და კვლავ უძილობა, ”კენტი”...
იმედს აღარ გასდის ვადა,
ჩვენ კი რა ხანია ყელთან
მხოლოდ წოდებითი გვადგას:
- ზღვაო,
ზღვაო,
ზღვაო,
ზღვაო,
სად ხარ?
სად ხარ?
სად ხარ?
სად ხარ?..”