ირინა ექვსი წლის
         
               
         
      ფრთებს სად მალავ ანგელოზის დარო,
      დაფარფატებ თითქოს სიო ხარო,
      ღიმილს აფრქვევ ყინულსაც რომ ადნობს,
      ნეტავ იმას ვინც მოგტაცებს ამბორს.

      მეფემ უნდა მოგიზიდოს სარჩო,
      დედოფალმა ფეხი უნდა გბანოს.
      კიდევ ერთი სასწაული გვამცნო
      ღმერთმა, შენ რომ გაგაჩინა ქალო.
2008 წ.


კაკუჩა ერთი წლის

შენ რომ კაცი მოგერიოს,
ჯერ არ დაბადებულა.
ბებოს შენს მოფერებაში
თმები გაუთეთრდება.

ხელით დაფშხვნი ბახმაროს მთას
გზად თუ გადაგეღობა,
შენი შიშით ხიდისთავში
მგელი ვეღარ მოსულა.

“დაიბადა კაკუჩაო,
ვინ კაკუჩა აკაკი?”
ყვირის მგელი, გარბის ტურა,
წყნარად არის მამალი.
2008 წ.