მოკლე გეტყობა თუმცა კაბაზე,
გიყურებ და გიჟს ვგავარ სახეთი,
ხშირად ვეწევი, ვითვლი ნაფაზებს,
ყელზე კოცნისთვის გვერდზე გახედებ.

შენ კი იცინი... გასცდა კალაპოტს,
შენი ღიმილის ხარბი პარადი,
ჩემი თვალები შენსას ღალატობს,
რადგან თვალებით ტუჩებს გპარავდი.

ტუჩებს რომელიც არის არაფრით
ჩემი და თუმცა მაინც ვიჩემებ,
სხეულზე ცრემლებს ისე ქარგავდი,
ნაძვის ხეს როგორც სცვივა გირჩები.

ბევრჯერ ნაცად თუ საცდელ მეთოდით,
ჩემს თითებს ისევ შენში აწყობდი,
თუმცა იღლები, მაინც მე გთხოვდი,
რომ გესარგებლა ჩემი განწყობით...

ხშირად ვეწევი, ვითვლი ნაფაზებს,
მკერდზე კოცნისთვის ზემოთ გახედებ,
აღარ გეტყობა მოკლე კაბაზე,
გიყურებ და გიჟს ვგავარ სახეთი...