ჩემთვის ბევრს ნიშნავ ...
არ მიყვარხარ
მაგრამ ჩემი ხარ,
ეგოისტი ვარ ვეჭვიანობ
ყველა გამვლელზე,
ტროტუარებთან ჩამოჯდება
დილა შენთვის და
წინ გადაგიშლის საოცარი ქალის სახეებს.
მამაკაცი ხარ
გაიხედავ ალბათ და ლამაზ
საოცარ თვალებს წააწყდები გაჩერებაზე,
ტრანსპორტირება არ ჭირდებაო ამბობენ გრძნობებს
თავად მიდის და მონუსხული თან გაგიყოლებს.
ჩემთვის ბევრს ნიშნავ...
არ მიყვარხარ,
კვლავ თავს ვირწმუნებ
და ცხელ ასფალტზე გადავღვარე შენი სახება,
ნერვებს ვატარებ აწეწილი თმის დასამაგრად
და ვეძებ შენში ჩემი თავის რამე მსგავსებას.
ჩემთვის ბევრს ნიშნავ...