-  ყველა  პატარას  ვულოცავ 
ულამაზეს  და  უბედნიერეს  ახალ  წელს!..


ნაირფერი ნათურებით,
თოვლით,
წვიმით,
მზე  და  მთვარით,
კონწიალა  დათუნებით,
ჭრელი  ჩიტუნების  ჯარით,

ყურცქვიტებით,
ციყვუნებით,
თოვლის  პაპით  -  იქვე  მდგარით,
ისე  გამოიყურები,
ვიღამ  გაგისწოროს  თვალი?!.

თავს  ვარსკვლავიც  გადგას  ჯიღად
ქცეულს  ურიცხვ  მარგალიტად!
დედოფალზეც  ლამაზი  ხარ,
ალვის  ხეზეც  მაღალი  და
შენი  მოსვლით  ახალი  წლის 
თეთრი  გზებიც  აყვავილდა!

მუდამ  ბევრი  მოგვიტანე
საჩუქრები  ახალი  და
სულ  დაგხვდებით  სიხარულის
ბუკითა  და  ნაღარითა!