შეაჩერე გული თორემ გასკდა,
უცნაურად მიგუბდება სული,
შეაჩერე ქარი, ჩქარა შეაჩერე,
თუ მეძგერა, აისრულებს სურვილს.
ჩავეწნები გვირილების ნოხებს,
თან ყაყაჩო დამაფარებს ჩოხას,
ვერც შენ გაძლებ ქარივით რომ აფრენ,
დაცხრები და ფეხაკრეფით მოხვალ.
მზე გამითბობს გვირილიან საწოლს,
მთა არწივებს დამიყენებს მცველად,
არ გაბედო მოახლება ჯიქურ,
დაიწყება ვარსკვლავების ცვენა.
შეაჩერე გული, თორემ გასკდა,
ოცნებების ტალღამ გადამლეკა.
შეაჩერე ეს აშარი ქარი, ნუ მეძახის,
სად ხარ, ეკა, ეკააააა...:)