დღემდე
მაგიჟებდა ფიქრი არაფერზე...
ღამით მაღვიძებდა, მთვარე მგლოვიარე...
იწვა უშენობა შიშველ ქარაფებზე,
ღამეს უმღეროდა შავი როიალი...

მესმის,
უშენობამ დარდი წამიშალა
თავი მომაბეზრა ქარის ბორიალმა
ისევ მერამდენედ მომდევს ქარიშხალი
ისევ მესიზმრება, შავი როიალი...

მკლავდა...
უშენობა, ისევ გამეტებით
ღამეს მიღვიძებდა, მთვარე მომტირალი...
ლოდინს უსაშველოს ვაღმერთებდი
ახლა, მენატრება შავი როიალი

ისე მეშინია...
ღამეს ვეფარები....
ვიცი, გამაღვიძებს მთვარე, მგლოვიარე...
ისევ აჩრდილივით შემომეპარები
შენს თავს გამახსენებს, შავი როიალი...