ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

ჩემი ფანჯრიდან ხეები მოსჩანს, მას იქით ტყეა, ტყის იქეთ მდინარე, შემდეგ სიცარიელე და ბნელი დერეფანი, ვდგავარ იქ და მომდის სიგარეტის სუნი, დიდიხანია რაც მე და სიგარეტი ვმეგობრობთ. ვიხედები, ხალხი ირევა, ვერ მამაჩნევენ, მავიწყდება ლაპარაკი, თითოეული სიტყვა მიფრინდება გონებიდან, ძვირფასო... მხოლოდ ეს სიტყვა რჩება ჩემთან, ძალიან მიყვარს, ფრანცის დამსახურებაა, საერთოდ ფრანცმა ბევრი რამ შემაყვარა, ამელსაც უყვარს ის, მაგრამ მისი ცხოვრება გავს პროცესს, ჩემი კი არა "ძვირფასო" მამა.
  "ძვირფასო" მამა, მე შენ მძულხარ, რადგან ჩემთვის ყველაზე ძვირფას სიტყვას ვსვამ ბრჭყალებში, "ძვირფასო" მამა, მე შენ მიყვარხარ, რადგან შენთვის უჩინარი ვარ და გარიდებ სირცხვილს, "ძვირფასო" მამა, მე შენ მძულხარ, რადგან არასოდეს წაგიყვანივარ ფეხბურთის მატჩზე, "ძვირფასო" მამა, შენ არ იცი რა ხდება აქ, ჩემი ფანჯრების მიღმა. მე მეგობრები მყავს, რომლებსაც შეუძლიათ გადახტდნენ სახლის სახურავიდან, რადგან დაიღალნენ მაისის მოლოდინში. "ძვირფასო" მამა, იცი?! ყოველთვის მინდოდა ბოზი ვყოფილიყავი და ყოველ ახალ გაჟიმულზე, შენთვის მეთხოვა ერთი ღერი სიგარეტი, "ძვირფასო" მამა, მე აქ ვარ, ბნელ დერეფენში და აღარ გელოდები, რადგან უკვე ვიპოვნე გასასვლელი...