არა, არაფერიც არ იცვლება ამ ქვეყანაზე!

იგივე მანჰაიმი.
იგივე ოდერი.
იგივე ბროვერის სკვერი.
იგივე ჰანნა.
იგივე ნგრენი.
იგივე მე.

არა, არაფერიც არ იცვლება ამ ქვეყანაზე!

იცვლებიან ჩვენი ემოციები.
იცვლებიან ჩვენი განწყობილებები.
იცვლებიან ადამიანთა ურთიერთმიმართებები.
იცვლებიან სიყვარულის ობიექტები.

მათიას ჰიუზი და ჰანაა ხდება წარსული...
ნგრენი და ჰანა ხდება მომავალი.

მანჰაიმი კი ისევ უცვლელია.
ოდერი კი ისევ უცვლელია.
ბროვერის პარკი კი ისევ უცვლელია.

არა, არაფერიც არ იცვლებაამ ქვეყანაზე!

და არც მას შემდეგ შეიცვლება რაიმე,
როდესაც მე გავალ მანჰაიმიდან,
მივალ ოდერის ხიდზე და
გადავხტები წყალში...

არა, არაფერიც არ იცვლება ამ ქვეყანაზე!..
არაფერიც არ იცვლება...
არ იცვლება...
არ
ი
ც
ვ
ლ
ე
ბ
ა
.
.
.


-----------

ჰანს ბრიუგეს ლექსის ჩემეული თარგმანი გერმანულიდან

ეს ლექსები ვთარგმნე გერმანიაში ჩემი სტუდენტობის დროს და ჰანს ბრიუგეს წიგნი აქ არ მომეძევება, ვერც სადმე მოვნახე, რომ დედნებიც დავდო. ბოდიშს გიხდით.

-----------

ჰანს-პაუელ ბრიუგე - თანამედროვე გერმანელი ავანგარდისტი პოტი. დაიბადა 1972 წელს მანჰაიმში. მშობლები ადრე გარდაეცვალნენ. იზრდებოდა მეურვეებთან. ბავშვობიდანვე წერდა, ხატავდა, უკრავდა. დაამთავრა ბერლინის უნივერსიტების ფილოსოფიის ფაკულტეტი. არასოდეს უმუშავია. მთელი სიცოცხლე, სტუდენტობიდან მოყოლებული, გაატარა სკვერებსა და პარკებში, ეწოდა ბოჰემურ ცხოვრებას. დაიმეგობრა ხელოვნებით გატაცებული ახალგაზრდები და ჩამოაყალიბა ჯგუფი "სკვერის პოეტები". მისი პოეტური შემოქმედების თემატიკა შეზღუდულია: წერდა მხოლოდ სოციალურ და ფილოსოფიური შინაარსის ნაწარმოებებს. 2005 წელს, 33 წლის ასაკში, თავი მოიკლა. სიცოცხლეში არცერთი ნაწარმოები არ დაუბეჭდავს. მისი ლექსების ლირიკული გმირი - ჰანნა - რეალური პიროვნებაა, რომელიც ჰანსს დიდხანს და გულწრფელად უყვარდა. ჰანნა მართლაც ეთიოპიელ ნგრანზე გათხოვდა და სწორედ ამიტომაც მოიკლა პოეტმა თავი... სიკვდილის შემდეგ ჰანს ბრიუგე აღიარეს, როგორც გერმანული ავანგარდული პოეზიის ერთ-ერთი საუკეთესო წარმომადგენელი. მისი პირველი პოეტური კრებული "ბროვერის მისტიფიკაციები" იმავე, 2005 წელს დაიბეჭდა.