სიცოცხლის საათია ბატონო გალაკტიონ,
დროა მზის ამოსვლის...
სული ეულია,
გადარეულია...
ვეძებ სავალ ბილიკს ლურჯა ცხენებისკენ...
საათს თქვენ კითხულობთ ბატონო გალაკტიონ?
ახლა სიყვარულის, ტრფობის საათია...
სიტყვა გრძნეულია...
                          თანაც დროულია...
მინდა რაღაც ვკითხო მოხუც მესაფლავეს...
თრობის საათია... თრობის საათია...
ჩემი მთვრალი სულიც შენებრ ეულია...
ბატონო გალაკტიონ, საათს თქვენ
                                        კითხულობთ?
ახლა პოეტების - ჩვენი საათია...