ჩემი მოკვლა გინდა? ვაი რომ მომკალი,
მაგრამ ისევ ცოცხლობს შენში ჩემი სული...
მოშორება გინდა? ვეღარ მომიშორებ,
გულში ჩაიხედე... იქ ვარ დამარხული.

ნუთუ დამივიწყებ, როგორც დილის სიზმარს?
ნუთუ როცა ღამით ძილსაც დააპირებ
არ მოგენატრები? ვიცი, ვერ გაუძლებ...
ჩუმი მოგონებით გულს კვლავ აატირებ...

არა, არ მინდა, რომ ჩემთვის დაიტანჯო.
არ მსურს შენი სახე ცრემლმა დაასველოს...
უბრალოდ მინდა, რომ ვისმე სიყვარულმა
შენი გატეხილი გული გაამთელოს!

და თუ შენ ფიქრობ, რომ არ ვარ შენი ღირსი
მაშინ დამივიწყე... თავს ნუ მოიტყუებ...
არ გაგიჯავრდები... შენც ხომ კარგად იცი,
რომ შენს დიდ სიყვარულს მე არ ვიმსახურებ...