მხიარული თამაშები,
იწილო დაბიწილო.
კარგი არის კი ბატონო,
მაგრამ გთხოვ არ მიწყინო,
თამაშ-თამაშ, სიცილ-სიცილ,
არაფერი იტკინო.
ჰაერში რომ მაფრიალებ,
თოჯინა ხომ არა ვარ,
თუმცა ასეც მიწოდებდი,
ისეთი ხუმარა ხარ.
შენთან ერთად ხტომა რბენა
არანაკლებ მხიბლავდა,
მაგრამ ცელქი ოცნებები
უკვე წარსულს მიბარდა.
თამაშ-თამაშ გავიზარდეთ,
ნებით თუ უნებლიეთ,
სხვა ფიქრები იკავებენ,
გონებაში სარბიელს.
თამაშ-თამაშ შემიყვარდი,
გული გამიდიადდა
რომ არ ვიყო მოწყენილი,
უნდა მნახო ხშირადა.
დანარჩენს კი მერე გეტყვი,
როცა გნახავ პირადად.